حصاد الخير في رمضان 2025 مع زواد , رمضان السنة دي كان مليان بالخير والعطاء، وده بفضل ربنا ثم مجهوداتكم اللي صنعت فرق حقيقي في حياة ناس كتير

من توزيع كراتين رمضان، اللي قدرنا بمساعدتكم نوصل بيها لمئات الأسر المتعففة في محافظة الشرقية،

وكانت بتضم المواد الغذائية الأساسية، وسببت فرحة كبيرة في قلوبهم، لـ مطبخ زواد، اللي اشتغل يوميًا بفضل كرم ربنا ثم تبرعاتكم وتطوعكم، وقدم وجبات إفطار صائم طازجة وصلناها لكل اللي يستاهلوها، لمعرض رداء ، اللي دخل الفرح والسرور على بيوت كتير، وشوفنا الابتسامة على وجوه الأطفال وهما بيختاروا لبس العيد بنفسهم،

ومشروع إفطار قرية، اللي ربنا وفقنا فيه واختارنا القرى اللي فعلاً كانت محتاجة، ووفرنا فيها أكبر عدد من الوجبات طوال الشهر الكريم، وكل ده ماكانش هيكمل إلا بتبرعاتكم

ومساندتكم لينا وللفريق ,وحاجات تانية كتير، مكنتش هتتم إلا بيكم.

كل ده ماكانش هيحصل من غير دعمكم وتبرعاتكم اللي بتوصل للي يستحقها فعلًا.

شكرًا من القلب لكل متبرع، متطوع، وشريك في الخير

رمضان خلص، لكن أعمال الخير مستمرة… معاكم وبكم